Are You a Games Addict !! هل أنت مدمن ألعاب ؟؟

 

 

 

مرحبا بالكل

ألعاب الفيديو انتشرت بشكل كبير

واذا تم استخدامها صح بتكون لها فوائد وهي ..

* تنمي الذكاء وتجعل الشخص يستجيب لما حوله

و يصبح تفكيره أكثر توسعاً

* تزيد مستوى التركيز والتدقيق والفهم.

* ترفه عن النفس وتزيل الآلام التي قد تصيب العينين

بعد النظر الطويل إلى شاشة الحاسوب .

* يمكن أن تستعمل للأغراض العسكرية والتدريب العسكري ، وهكذا قد تتقلص نسبة الخسائر المادية والبشرية التي تنفق

من أجل التدريب العسكري بنسبة كبيرة جداً .

* تلبي الحاجات العاطفية والعقلية بطريقة لا يمكن

أن تقوم بها أي وسيلة أخرى .

***

يالله منو منكم مدمن ألعاب ؟؟

أنا أحب ألعب عالكمبيوتر والبي اس بي

وأفضل ألعاب البازل أكثر ..

أحلى ثلاث ألعاب لعبتها عالكمبيوتر

1-                       LuXor 3

2-                       AzaDa

3-                       Home Sweet Home

الأولى مهارة ضرب كرات بنفس اللون ..

اللعبة مشوقة ورهيبة

وتخليك تدمنها غصب ..

والثانية عبارة عن كتاب محبوس

فيه شخص بسحر ..

وعليك تفك ألغاز الصفحات

عشان تحرر هالشخص ..

وايد عيبتني اللعبة وتحتاج ذكاء ومهارة ..

والثالثة تأثيث بيوت للناس ..

وهم يعطونك الطلب مشفر واذا فكيته تربح ..

وايد مسلية غير اني أموت في التصميم ..

أحلى ثلاث ألعاب لعبتها عالبي إس بي

1-           Puzzle Quest : Challenge of the Warlords

2-           Loco Roco

3-           Patapon1&2

الأولى توحيد ثلاثيات .. بس رهييييييبة ..

تستخدم البورد للصراع مع الوحوش ..

والثانية فكرتها رهيبة .. عبارة عن كورة تتدربح ..

ولازم توصلها البيت بسلام ..

بس مسلية وااايد ..

والثالثة بعد فكرتها غريبة ..

جيش يعتبرونك سيدهم ..

وعليك تقود بطبلهم المقدس ..

وكل حركة لها نغمتها

الخاصة لازم تكون إذنك موسيقية ..

ألعاب الكمبيوتر الثلاث خلصتهم كلهم ..

وحتى ألعاب البي اس بي خلصتهم..

اللي يبا ملفات الحفظ مال ألعاب البي إس بي يتفضل يحمل..

بتلاقونهم هنيه ..

 

LocoRoco_PSP_SaveFile.zip

Puzzle_Quest_PSP_SaveFile.zip

Patapon_SaveFile.zip

 

وبالنسبة للعبة

Patapon

قبل ما تبدونها اذا لعبتوا الديمو بتاخذون

سلاح سري قوي

واذا عيزانين تلعبون الديمو نفسي

خذوا هالملف جاهز وكملوا اللعبة

بس لازم تنزلون النسخة الأوروبية

عشان تتوافق مع ملف الحفظ هذا

Patapon_Demo_SaveFile

وعلى فكرة لعبت باتابون الجزء الثاني

بالياباني وخلصته بعد

وحاليا أتريا النسخة الإنجليزية

اللي المفروض تنزل هالشهر

—-

صور ..

 

وبس🙂

 

 

 

 

 

 
 
 
This entry was posted in ⊹⊱ منوعات ⊰⊹. Bookmark the permalink.

2 Responses to Are You a Games Addict !! هل أنت مدمن ألعاب ؟؟

  1. Eng. says:

    السلام عليكم
     
    كلامج حلو .. بس تدرين .. إذا حذفنا كلمة "إذا" راح تصير مشاكل .. لوول
     
    قبل كل شي .. أنا إنسان ما أحب ألعاب الفيديو .. خير شر .. وآخر شي خذته .. سيجا .. لووول
     
    أنا رايي في ألعاب البلاي ستيشن .. وجميع ألعاب الفيديو في هذي الأيام للأسف إنها خذت حياتنا الإجتماعية
     
    مش مجرد كلام .. لكن من الواقع
     
    والله يا أختي ما تصورين كيف عندنا العيال .. مدمنين على البي اس بي .. وللأسف الشديد هذي لها سلبياتها مع الأيام
     
    أنا ما أنكرج إنها ترفه عن النفس أوقات .. لكن الإفراط فيها .. وخصوصاً للأطفال .. مشكلة
     
    وما أخبي عليج .. عندي لعبة في الآي فون .. الكل لاحظ إني مدمن عليها .. وحزنت وايد يوم سويتله أبديت وما طاعت اللعبة تنزل مرة ثانية
     
     
    طولنا وايد .. بس من زمان كان خاطري اكتب عن العاب الفيديو
     
    دمتِ بود
     
     

  2. Queen says:

     
    وعليكم السلام مرحبا
     
    كلامك صحيح .. عشان جيه أنا قلت "إذا استخدمناها صح" .. لأن
    وايد ناس ما يراقبون عيالهم متى يلعبون أو شو يلعبون
    وأنا أحب ألعب في وقت فراغي عشان أرفه عن نفسي شوي
    وإذا شفت بناتي بالغن في اللعب أمنعهن وغير إني أنزللهن الألعاب بنفسي
    بس لاحظت نواحي إيجابية في قدرتهن عالتركيز والسرعة في رد الفعل وجيه
    وحتى انا كان مخي متحنط ^_^ وفيه شبك عنكبوت بس يوم بديت ألعب استوى أحسن لوول
    عالعموم كل شي سلاح ذو حدين له ايجابيات وله سلبيات
    وبإيدنا نستفيد منه أو نستضر منه
     
    مرحباااااابك دووووووووووم في سبيسي
     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s