|
مرحبا بالكل ألعاب الفيديو انتشرت بشكل كبير واذا تم استخدامها صح بتكون لها فوائد وهي .. * تنمي الذكاء وتجعل الشخص يستجيب لما حوله و يصبح تفكيره أكثر توسعاً * تزيد مستوى التركيز والتدقيق والفهم.* ترفه عن النفس وتزيل الآلام التي قد تصيب العينينبعد النظر الطويل إلى شاشة الحاسوب . * يمكن أن تستعمل للأغراض العسكرية والتدريب العسكري ، وهكذا قد تتقلص نسبة الخسائر المادية والبشرية التي تنفق من أجل التدريب العسكري بنسبة كبيرة جداً . * تلبي الحاجات العاطفية والعقلية بطريقة لا يمكن أن تقوم بها أي وسيلة أخرى . *** يالله منو منكم مدمن ألعاب ؟؟ أنا أحب ألعب عالكمبيوتر والبي اس بي وأفضل ألعاب البازل أكثر .. أحلى ثلاث ألعاب لعبتها عالكمبيوتر 1- LuXor 3 2- AzaDa 3- Home Sweet Home الأولى مهارة ضرب كرات بنفس اللون .. اللعبة مشوقة ورهيبة وتخليك تدمنها غصب .. والثانية عبارة عن كتاب محبوس فيه شخص بسحر .. وعليك تفك ألغاز الصفحات عشان تحرر هالشخص .. وايد عيبتني اللعبة وتحتاج ذكاء ومهارة .. والثالثة تأثيث بيوت للناس .. وهم يعطونك الطلب مشفر واذا فكيته تربح .. وايد مسلية غير اني أموت في التصميم .. أحلى ثلاث ألعاب لعبتها عالبي إس بي 1- Puzzle Quest : Challenge of the Warlords 2- Loco Roco 3- Patapon1&2 الأولى توحيد ثلاثيات .. بس رهييييييبة .. تستخدم البورد للصراع مع الوحوش .. والثانية فكرتها رهيبة .. عبارة عن كورة تتدربح .. ولازم توصلها البيت بسلام .. بس مسلية وااايد .. والثالثة بعد فكرتها غريبة .. جيش يعتبرونك سيدهم .. وعليك تقود بطبلهم المقدس .. وكل حركة لها نغمتها الخاصة لازم تكون إذنك موسيقية .. ألعاب الكمبيوتر الثلاث خلصتهم كلهم .. وحتى ألعاب البي اس بي خلصتهم.. اللي يبا ملفات الحفظ مال ألعاب البي إس بي يتفضل يحمل.. بتلاقونهم هنيه ..
LocoRoco_PSP_SaveFile.zip
وبالنسبة للعبة Patapon قبل ما تبدونها اذا لعبتوا الديمو بتاخذون سلاح سري قوي واذا عيزانين تلعبون الديمو نفسي خذوا هالملف جاهز وكملوا اللعبة بس لازم تنزلون النسخة الأوروبية عشان تتوافق مع ملف الحفظ هذا وعلى فكرة لعبت باتابون الجزء الثاني بالياباني وخلصته بعد وحاليا أتريا النسخة الإنجليزية اللي المفروض تنزل هالشهر —- صور ..
وبس
|
السلام عليكم
كلامج حلو .. بس تدرين .. إذا حذفنا كلمة "إذا" راح تصير مشاكل .. لوول
قبل كل شي .. أنا إنسان ما أحب ألعاب الفيديو .. خير شر .. وآخر شي خذته .. سيجا .. لووول
أنا رايي في ألعاب البلاي ستيشن .. وجميع ألعاب الفيديو في هذي الأيام للأسف إنها خذت حياتنا الإجتماعية
مش مجرد كلام .. لكن من الواقع
والله يا أختي ما تصورين كيف عندنا العيال .. مدمنين على البي اس بي .. وللأسف الشديد هذي لها سلبياتها مع الأيام
أنا ما أنكرج إنها ترفه عن النفس أوقات .. لكن الإفراط فيها .. وخصوصاً للأطفال .. مشكلة
وما أخبي عليج .. عندي لعبة في الآي فون .. الكل لاحظ إني مدمن عليها .. وحزنت وايد يوم سويتله أبديت وما طاعت اللعبة تنزل مرة ثانية
طولنا وايد .. بس من زمان كان خاطري اكتب عن العاب الفيديو
دمتِ بود
وعليكم السلام مرحبا
كلامك صحيح .. عشان جيه أنا قلت "إذا استخدمناها صح" .. لأن
وايد ناس ما يراقبون عيالهم متى يلعبون أو شو يلعبون
وأنا أحب ألعب في وقت فراغي عشان أرفه عن نفسي شوي
وإذا شفت بناتي بالغن في اللعب أمنعهن وغير إني أنزللهن الألعاب بنفسي
بس لاحظت نواحي إيجابية في قدرتهن عالتركيز والسرعة في رد الفعل وجيه
وحتى انا كان مخي متحنط ^_^ وفيه شبك عنكبوت بس يوم بديت ألعب استوى أحسن لوول
عالعموم كل شي سلاح ذو حدين له ايجابيات وله سلبيات
وبإيدنا نستفيد منه أو نستضر منه
مرحباااااابك دووووووووووم في سبيسي