Hello world!

Welcome to WordPress.com. This is your first post. Edit or delete it and start blogging!

Fat32 on Vista !!! كيف تفرمت الهارد ديسك الخارجي

 

Hello EveryBody ^_^ واجهتني مشكلة البارحة وماقدرت أرتاح لين حليتها وحبيت أحطها هنيه يمكن أفيد حد. اشتريت هارد ديسك SimpleTech سعة 250 جيجا عشان أحمل فيه أفلامي ورسومات عيالي وأركب الهارد ديسك على الديفيدي بلير بوصلة يو إس بي لكن المشكلة انه ما رضى يشتغل وعرفت السبب بعدين وهو طريقة الفورمات لأنه مفرمت على NTFS والمفروض يكون Fat32 عشان يشتغل وما عندنا في البيت غير ويندوز فيستا والفيستا مافيها غير ExFat & NTFS لكن لقيت أداة بسيطة تحملها عالجهاز وتفرمت عن طريقها .. وهي: Fat32Format حملت الاداة وحطيتها في المسار التالي C:/Windows/System32 وبعدين تدق على زر ستارت بتفتحلك القائمة تضغط على الأزرار التالية : cmd بالترتيب وبعدين تضغط عالأزرار التالية مع بعض Shift + Ctrl + Enter بتطلعلك شاشة سودة مكتوب فيها المسار اللي حطيت فيه الملف كمل عليه بهالعبارة .. : fat32format K تغيرون الحرف K حسب الهار ديسك وتضغط انتر وبيطلعلك هالسطر Warning ALL data on drive ‘K’ will be lost irretrievably, (are you sure (y/n تضغط y وعقب انتر وبيتفرمت الهارد ديسك وينمسح كل شي فيه وبجذي بيكون الجهاز تفرمت بنظام Fat32 وتقدرون تشغلونه عالديفيدي بلير أنا خذت المعلومات من هالصفحة http://www.ridgecrop.demon.co.uk/index.htm?fat32format.htm بس بعض خطواتهم ما مشت معاي واضطريت أغير شوي ونجحت السالفة أتمنى أكون أفدتكم بموضوعي لأني يوم سويت بحث بقوقل لقيت وايد ناس متوهقين مثلي والسموحة … ^_^ على فكرة لازم تكونون في وضعية الadmin عشان تسوون هذا كله

 

 

 

 

 

 

Are You a Games Addict !! هل أنت مدمن ألعاب ؟؟

 

مرحبا بالكل ألعاب الفيديو انتشرت بشكل كبير واذا تم استخدامها صح بتكون لها فوائد وهي .. * تنمي الذكاء وتجعل الشخص يستجيب لما حوله و يصبح تفكيره أكثر توسعاً * تزيد مستوى التركيز والتدقيق والفهم. * ترفه عن النفس وتزيل الآلام التي قد تصيب العينين بعد النظر الطويل إلى شاشة الحاسوب . * يمكن أن تستعمل للأغراض العسكرية والتدريب العسكري ، وهكذا قد تتقلص نسبة الخسائر المادية والبشرية التي تنفق من أجل التدريب العسكري بنسبة كبيرة جداً . * تلبي الحاجات العاطفية والعقلية بطريقة لا يمكن أن تقوم بها أي وسيلة أخرى . *** يالله منو منكم مدمن ألعاب ؟؟ أنا أحب ألعب عالكمبيوتر والبي اس بي وأفضل ألعاب البازل أكثر .. أحلى ثلاث ألعاب لعبتها عالكمبيوتر 1-                       LuXor 3 2-                       AzaDa 3-                       Home Sweet Home الأولى مهارة ضرب كرات بنفس اللون .. اللعبة مشوقة ورهيبة وتخليك تدمنها غصب .. والثانية عبارة عن كتاب محبوس فيه شخص بسحر .. وعليك تفك ألغاز الصفحات عشان تحرر هالشخص .. وايد عيبتني اللعبة وتحتاج ذكاء ومهارة .. والثالثة تأثيث بيوت للناس .. وهم يعطونك الطلب مشفر واذا فكيته تربح .. وايد مسلية غير اني أموت في التصميم .. أحلى ثلاث ألعاب لعبتها عالبي إس بي 1-           Puzzle Quest : Challenge of the Warlords 2-           Loco Roco 3-           Patapon1&2 الأولى توحيد ثلاثيات .. بس رهييييييبة .. تستخدم البورد للصراع مع الوحوش .. والثانية فكرتها رهيبة .. عبارة عن كورة تتدربح .. ولازم توصلها البيت بسلام .. بس مسلية وااايد .. والثالثة بعد فكرتها غريبة .. جيش يعتبرونك سيدهم .. وعليك تقود بطبلهم المقدس .. وكل حركة لها نغمتها الخاصة لازم تكون إذنك موسيقية .. ألعاب الكمبيوتر الثلاث خلصتهم كلهم .. وحتى ألعاب البي اس بي خلصتهم.. اللي يبا ملفات الحفظ مال ألعاب البي إس بي يتفضل يحمل.. بتلاقونهم هنيه ..   LocoRoco_PSP_SaveFile.zip Puzzle_Quest_PSP_SaveFile.zip Patapon_SaveFile.zip   وبالنسبة للعبة Patapon قبل ما تبدونها اذا لعبتوا الديمو بتاخذون سلاح سري قوي واذا عيزانين تلعبون الديمو نفسي خذوا هالملف جاهز وكملوا اللعبة بس لازم تنزلون النسخة الأوروبية عشان تتوافق مع ملف الحفظ هذا Patapon_Demo_SaveFile وعلى فكرة لعبت باتابون الجزء الثاني بالياباني وخلصته بعد وحاليا أتريا النسخة الإنجليزية اللي المفروض تنزل هالشهر —- صور ..   وبس

 

 

 

 

 

 

تورنت × تورنت × Lets talk about torrents !!

 

السلام عليكم ورحمة الله وبركاته   شخباركوو ؟؟ علوومكووو ؟؟ عساكووو طيبين ومرتاحين   توني يديدة في عالم التورنت عشان جيه حبيت أحط بعض الملاحظات اللي فادتني عسى أفيد اليداد مثلي   بس أتمنى تستخدمونها في المفيد والمباح     أول شي لازم تنزلون عندكم برنامج يتعامل مع التورنت أنا أستخدم برنامج   BitComet 0.91   تقدرون تضغطون على اسم البرنامج للتنزيل   وبتلاقون برامج تورنت في سبيس   تورنت العــرب   اضغطوا على اسم السبيس للدخول السبيس أفادني وايد لأنه يحوي شروحات مهمة وبرامج مفيدة لملفات التورنت     ما هو التورنت؟   التورنت هو نظام تبادل ملفات  PC-to-PC  بس انتشر وايد لأنه ما يبطئ الكمبيوتر ولا الانترنت لازم اول شي تنزل برنامج مثل   BitComet   بعدين دور على مواقع التورنت ومنها بتنزل رابط بياخدك على الفايل على اجهزة المستخدمين  (seeders)   طالما انت متصل على الانترنت، سرعة التنزيل حسب عدد السيدرز  وعدد السيدرز حسب الموقع  تقدر تسوي بحث عن مواقع تورنت مشهورة وفيه وصلات بتلقونها في سبيس تورنت العرب   أفضل صيغة للملفات هي   AVI   وتقدرون تعرفون صيغة الملف وحجمه قبل التنزيل بالدخول على التفاصيل Details   وياخذ التنزيل يوم أو اكثر أو أقل حسب حجم الملف   وفيه مواقع تلقون فيها ترجمات منها هذا الموقع   http://subscene.com/   بعد تنزيل الملف والترجمة لازم تحطون الملفين في فولدر واحد وبنفس الاسم عشان يوم تشغلون الفيلم عالجهاز تشتغل الترجمة معاه تلقائي   واذا تحبون تشوفون الفيلم على التلفزيون بواسطة الدي في دي   فتقدرون تحولونه لصيغة دي في دي مع الترجمة بواسطة برنامج   AVI DVD Burner   وتقدرون تحرقون الدي في دي بواسطة هالبرنامج بعد لكن مادري ليش يوم جربته ما اشتغل على جهاز الدي في دي فقمت أحول الملف مع الترجمة بس وبعدين احرقه ببرنامج النيرو   واذا تبون تحولون ملف بدون ترجمة تقدرون تستخدمون البرنامج اللي فوق أو هذا البرنامج السهل   AVS Video Converter   برنامج سهل ويحول عدة صيغ لعدة صيغ وبسهولة   هذي مجموعة وصلات بتفيدكم   http://www.freedownloadscenter.com/   http://www.divxsubtitles.net/index.php   وهذي بعض الأفلام اللي نزلتها وعجبتني اضغطوا على اسم الفيلم عشان تنزلون ملف التورنت     Barbie in Swan Lake       Bratz Passion of Fashion         Bratz Rock Angelz         Flushed Away     Open Season     Bratz Babyz

 

 

 

 

 

 

كيفية عمل بلوق مميز ×× مع خلفيات من تصميمي

 

 

 

 مرااااااحب

حبيت اني أحطلكم خلفيات من تصميمي

بس قبل كل شي طبعا لازم أحط لكم كود البلوق المميز
عشان ما تواجهون أي مشاكل
وتقدرون تغيرون فيه الخلفية ولون السكرول بار
وتمسحون كلمة — اكتب هنا — وتحطون الموضوع اللي تبونه

 

 

 

 

أول شي هذا هو الكود
تنسخونه مثل ما هو وتحطونه في مساحة ال

  HTMLبعد ما تمسحون الموجود فيها

  

<P>&nbsp; <TABLE style="WIDTH: 512px; HEIGHT: 712px" align=center border=2><TBODY><TR><TD background=http://www.wonderbackgrounds.com/animated/backgrounds/animated_1.gif><P>&nbsp; <P>&nbsp; <DIV align=center><DIV style="SCROLLBAR-FACE-COLOR: #000000; SCROLLBAR-HIGHLIGHT-COLOR: #000000; OVERFLOW: auto; WIDTH: 89.16%; SCROLLBAR-SHADOW-COLOR: #8a2e88; SCROLLBAR-3DLIGHT-COLOR: #ffffff; SCROLLBAR-ARROW-COLOR: #c7578d; HEIGHT: 615px" align=right><DIV align=center><FONT color=#ffffff></FONT></DIV><DIV align=center><FONT color=#ffffff><P dir=rtl><SPAN lang=AR-AE style="FONT-SIZE: 10pt; FONT-FAMILY: 'Tahoma'">&nbsp;</SPAN><SPAN lang=AR-AE style="FONT-SIZE: 10pt; FONT-FAMILY: 'Tahoma'"></SPAN> <DIV align=center><STRONG><FONT face="Comic Sans MS" size=6>اكتب هنا</FONT></STRONG></DIV></FONT></DIV></DIV></DIV><DIV align=center>&nbsp;</DIV><SPAN><DIV><FONT color=#0000ff><DIV align=center><FONT style="BACKGROUND-COLOR: #ffffff" color=#0000ff><P align=center></FONT>&nbsp;</P></DIV></FONT></DIV></SPAN></TD></TR></TBODY></TABLE><P>&nbsp; <P align=center><FONT color=#ff99cc></FONT>&nbsp; <P>&nbsp; <DIV>&nbsp;</DIV><DIV>&nbsp;</DIV><DIV align=center>&nbsp;</DIV>

  بتحتاجون هالموقع عشان أكواد الألوان
إذا بتغيرون لون السكرول بار

http://www.colorschemer.com/online.html

بتلاقون في الكود السابق سطر يخص السكرول بار
اللي هو هذا

 

e6b3cc

; SCROLLBAR-HIGHLIGHT-COLOR: #e6b3cc; OVERFLOW: auto; WIDTH: 89.16%; SCROLLBAR-SHADOW-COLOR: #8a2e88; SCROLLBAR-3DLIGHT-COLOR: #ffffff; SCROLLBAR-ARROW-COLOR: #c7578d; HEIGHT: 301px" align=right>

 

الرموز الملونة بالأحمر هي رموز الألوان
تغيرونها مثل ما يتناسب مع ألوان البلوق
شي منها اللون العام والإضاءة والظل والسهم
جربوا وشوفوا 

 

 

الخلفيات اللي بحطهن

بيكونن بقياس 400 × 600 بكسل
واللي ما يناسبه يقدر يضبط القياس بالفوتوشوب حسب ما يحب
بس المقاس اللي بحطه يتناسب مع الكود اللي حطيته
وهذي الخلفيات وأتمنى تعجبكم وترضي كل الأذواق    

 

 

 اضغطوا على الصورة

عشان تعرفون اللنك الخاص فيها وتشوفونها بحجمها الطبيعي

 

 

     

 

     

 

أتمنى الشرح يكون وافي وكافي

وبحاول أزيد الخلفيات كل ما فضيت

والسموووووحة

.

.

.

 أنوووووووووسة

 

 

 

 

MakeUp^@^مكيـــاج

 

 

مرحبا الساع بالنواعم   شخباركم ويا المكياج ؟   فن المكياج طبعا بحر ماله بداية ونهاية ،، كل وحدة تبدع بشكل غير ،، وفيه قواعد أساسية بس ما تعم كل النساء ،، يعني فيه خيارات وكل وحدة تسوي اللي يناسبها ،،   وأنا بخبركم طريقتي واللي ناسبني ،، بس من البداية بقول إني مو خبيرة مكياج ،، ولا ماخذة دورات ولا دروس ،،   بس أنا أحب المكياج مع إني ما أمارسه باستمرار ،، بس في المناسبات والزيارات ،،   إن شاء الله يكون بلوق مفيد ومميز ،،   1- تهيئة الوجه   أول شي لازم نهيئ الوجه عن طريق تنظيفه سواء بواسطة رغوة تنظيف للوجه أو تونيك وقطنة وبعدها نجفف الوجه ونرطبه باللوشن وخصوصا البشرة الجافة ونترياه شوي لين ما يتشرب   2- الأساس والبودرة   ثاني شي نوزع كريم الأساس على كامل الوجه والرقبة وفيه أنواع كريم أساس منها السايل اللي هو أفضل للبشرة الجافة ومنها الستيك وهو أفضل للبشرة الدهنية وغيرها من الأنواع والدرجات طبعا كل وحدة حسب لون بشرتها أنا أفضل كريم الأساس السايل لأن بشرتي جافة وأحب آخذ على لون بشرتي بشكل عام ولازم يكون عندي كريم أساس أغمق شوي إذا حبيت اللوك البرونزي وبعد توزيع الكريم أساس نحط البودرة ومنها نوعين المضغوطة والمنثورة أنا أفضل المضغوطة وآخذها على لون كريم الأساس بس على مشمشي نوزع البودرة على كامل الوجه وحتى الشفايف ما ننساها لازم نحط أساس وبودرة عالشفايف عشان يثبت الروج أكثر بعدين ننظف الوجه بالفرشاة الكبيرة لإزالة أي زيادة من البودرة   3- رسمة العين والحاجب هذي رسمة توضيحية لأجزاء العين     نبدأ برسم الحواجب سواء بقلم خاص أو شدو بني أو أسود حسب أذواقكم طبعا وخصوصا للي حواجبهم خفيفة أما اللي حواجبهم غليظة وما فيها فراغات فيكفي انهم يمشطونها بمشط الحواجب أو يمررون عليها الماسكارا الشفافة لتنظيفها من بقايا البودرة وممكن نحط لمسة خفيفة من الماسكارا السودة أول وبعدين نمشطها بالماسكارا الشفافة للتوزيع والتنظيف انتوا وذوقكم طبعا وبعد الانتهاء من الحاجب ننتقل للعين يفضل ان نحط لون فاتح على كامل جفون العين كأساس لباقي الشدو عشان يبرز باقي الألوان اللي بنحطها بشكل أفضل يعني مثلا بيج كامل أو فضي كامل أو وردي فاتح حسب لون الفستان أو اللي لابسينه وأقصد على الجفون كاملة يعني الجفن الثابت والمتحرك وبعدين نحط لون أغمق على الجفن المتحرك بس نغطيه كامل من الزاوية الأمامية للخلفية وبعدين نحدد العين من فوق بقلم الكحل الجاف أو السائل من الزاوية الأمامية للخلفية بخط ملاصق للرموش العلوية وتقدرون تسوونه غليظ أو رفيع وممكن نضبطه بعدين بالشدو الأسود ونسوي نفس الشي لحدود العين التحتية أو ممكن نكتفي بكحل داخل العين وخط رفيع من الشدو الفاتح أو الغامق اللي حطيناه فوق نرسمه بفرشاه رفيعة تحت الرموش السفلية مباشرة يبدا من الزاوية الأمامية ويتلاشى قريب الزاوية الخلفية طبعا العيون لها عدة رسمات تبدعون فيها على كيفكم بحطلكم مجموعة من الرسمات     في الصورة رقم 2 بنلاحظ الشدو الفاتح يغطي العين وعقب رقم 3 شدو أغمق يغطي الجفن المتحرك بس نقدر نضيف درجة أغمق بعد تغطي نص الجفن المتحرك وبعدين الشدو الأسود نحدد فيه العين وندمجه مع الدرجات اللي فوقه وهذي اسمها الرسمة الدخانية أو السموكي يبدا بتحديد أسود كثيف حول العين ويتدرج بألوان أفتح وأفتح للحاجب     وهذي رسمة غير للعين تناسب العيون المسطحة نوعا ما اللي مب غايرة نتبع نفس الخطوات قبل بس ما نكثف الظل الأسود نكتفي بخط رفيع على حافة الرموش ونرسم على الحافة الخارجية للعين زاوية بالظل الأسود ندخلها على حافة الجفن المتحرك ونكتفي لين نص خط الجفن ونعبيه من داخل ونقدر ندخل لون عليه في الزاوية الداخلية  ولا تنسون تحطون لون فاتح أو لمعة سايلة على عظمة الحاجب يعني تحت الحاجب على طول عشان يبرز الحاجب وألوان ظل العين     وهذي رسمات مختلفة كلها نبدا فيها بنفس البداية بس بعدين نكمل بالطريقة اللي تعجبنا حسب شكل العين والألوان وكيف ننسقها     وهذي رسمات مختلفة لتحديد العين بالكحل القلم أو بالآي لاينر السايل طبعا الزوايا تضبط أكثر بالآي لاينر السايل وكل وحدة وشطارتها عاد نقدر نخلي الزوايا كلها مسكرة ونمدها على شكل مثلث أو نفتح زاوية وحدة ونخليها قصيرة أو طويلة وممكن بنفس استقامة العين أو نمدها لتحت     أو نقدر نفتح الزاويتين ونعبيهم بلمعة سايلة أو شدو أو حتى قلم وممكن نفتح الزاوية الداخلية بس لكن نخليها واسعة شوي مثل الصورة رقم 19 ونعبيها بلون أو نسوي نفس الحركة لكن نكحل العين من داخل بنفس اللون اللي بنعبي فيه الزاوية مثل الصورة رقم 20 وتطلع الألوان الفلاش روعة مثل التركواز   وآخر لمسة للعين بعد ما نخلص الشدو هو الماسكارا طبعا وفيه منها ألوان وأنواع منها اللي تكثف واللي تطول واللي تقوس ومنها فيها بلسم مغذي ومنها الشفافة على شكل جل للتنظيف والتقويس هذي تنفع للطلعات الخفيفة ونقدر نعدل العين بالستراس والكريستالات الصغيرة اللي على شكل ستكرز أو بعضها يكون معاها صمغ خاص أو حتى نقدر نرسم اذا كنا رسامين محترفين   4- الشفايف   رابعا الشفايف نحددها بلون محدد مناسب ويفضل يكون قريب وايد من لون الروج ممكن نحدد الشفايف بس بالمحدد وبعدين نعبيها من داخل بلون الروج اللي نباه ويفضل تداخل الألوان للإبداع أو نلون بالمحدد الشفايف كاملة وبعدين نحط عليه لمسات من القلوس   5-  البلاشر   خامسا نوزع البلاشر أو أحمر الخدود على الخدين فيه منه ألوان مشمشي وبرونزي ووردي وغيره نختار اللون حسب المناسب للون الشدو ونبدأ بابتسامة عشان نبرز عظمتي الخدين وبعدين نبدا بالفرشاة من العظمة وعلى برا لفوق شوي يعني الإتجاه كأنه من الأنف إلى الأذن وبعدين نحط لمسة خفيفة على الجبهة وأرنبة الأنف والذقن   6- اللمسات الأخيرة   وآخر شي ننظف تحت العين بالبودرة اذا كان فيه أي زوايد من الشدو واذا عندكم مثبت مكياج رشوه على الوجه وعساكم دوم حلوين من غير مكياج   مع حبي   أنوسة     ملاحظة : لا تضحكون على رسمات العيون لأني رسمتهم بنفسي بالفوتوشوب خخخخخخ والدرس متعوب عليه فأتمنى ذكر المصدر عند النقل أتمنى للجميع الاستفادة

 

 

 

البلوقات المميزة

 

مرررررررررحبا الساااااااااااااااع سبيساتكم اعتفست ؟ بلوقاتكم الحلوة اختربت ؟ لقيتلكم الحل ولا تزعلووووووووووون الحل لمشكلة البلوقات المميزة وهذي هدية من عندي للمهتمين بالبلوقات المميزة خلفيات من تصميمي مع الكود إن شاء الله الكل يتمكن من تعديل سبيسه مع التحيــــــــــة ،،،،، أنوووووووسة